كنا انا وياه في آخر الليل=لاقلت احبك قالت اسكت انا اكثر

كنا كما طفلين لاهين بالحيل=نضحك ونزعل والحكي طعم سكر

كنا بصراحه لاغرقنا مهابيل=.مابيننا ممنوع اوخط احمر

كنا وكنا آه يانجمة سهيل=واليوم ماعشناه مات وتبعثر

حبيتها باخلاص ماخنتها ميل=صدقت معها وخاطره ماتكدر

عطيتها قلبي ودمعي كما النيل=.زرعت كل دروبها لون اخضر

فجأه تقول ارجوك مليت تطبيل=قلت اعقلي وش صار ياريح عنبر

ضنيتها تمزح فرس عنق هالخيل=قالت اغار وغيرتي حيل تقهر

قلت اسمعي قالت كفايه تطابيل=هذي تبيك وذيك قالت انا اخطر

ماعندي استعداد تجرح وانا اشيل.=قلت اقفلي الموضوع مابي تعكر

قالت قهرتك كذبتي كذبة ابريل=قلت آه احبك قالت اسكت انا اكثر