قالت ابعد ماابيك راح ادفن ذكرياتك=ياأخي وش تبغى مني ابتعد عني رجيتك

قلبي صدقني نسيك احذف اسمي من حياتك=انت فنك غير فني وانت فيني مالقيتك

انت قاسي وانت فيك حبك لنفسك وذاتك=يكفي اسلوبك طعني بعتني يومي شريتك

لاتفكر يوم اجيك او افكر في غلاتك=للاسف خيبت ضني يوم انا قلبي عطيتك

فيه هذي وفيه ذيك وفيه من مثله صفاتك=وفيه من قلبه يحني وهرجته دايم فديتك

وفيه نعومه وشيك عمرها وحده بناتك=وفيه مليون الف جني لاطلبته قال جيتك

وفيه منهي تنتخيبك وفيه مجنونه بحلاتك=وفيه من تبكي وتوني وذيك قالت اشتريتك

بس انا قلبي نسيك فيه غيري ملهماتك=ابتعد ارجوك عني انا صدقني نسيتك

قلت احبك حيل ابيك قالت المركب وفاتك=فيه غيرك من ملكني ابتعد ماتفيد ليتك